Jóna Ingibjörg, kynlífsráðgjafi, var í viðtali Í bítinu á Bylgjunni í morgun og fjallaði þar um verkefnið Kynlíf og krabbamein sem og örráðstefnu Krabbameinsfélagsins Kynlíf og krabbamein sem verður haldin á morgun 19. janúar 2012 klukkan 16:30-18:00.   

Verkefnið Kynlíf og krabbamein er samstarfsverkefni Novartis, Sanofi og Landsspítalans þar sem markmiðið er tvíþætt. Í fyrsta lagi að bjóða krabbameinsgreindum einstaklingum og aðstandendum ókeypis kynlífsráðgjöf og sérhæfða ráðgjafaþjónustu klínísks kynfræðings. Og í öðru lagi að fræða og þjálfa þá sem koma að lækningu og hjúkrun krabbameinsgreindra þannig að umræðan um kynlíf/kynheilbrigði verði sjálfsagður þáttur í meðferð sjúklinga.

Jóna Ingibjörg ræddi um hvað getur breyst hjá konum og körlum eftir og í krabbameinsmeðferð og hvernig það getur haft áhrif á kynlífið og nándina.