Niðurstöður sænskrar rannsóknar sem nýlega var birt í fagritinu British Journal of Cancer sýna að það að snæða reglulega pyslur, paté og aðrar unnar kjötvörur eykur töluvert líkur fólks á að fá krabbamein í brisi.
Niðurstöður rannsóknarinnar sýndu að fyrir hver 50 grömm af unnum kjötvörum sem fólk borðar á hverjum degi aukast líkurnar á krabbameini um 20%. Ein pylsa inniheldur um það bil 50 grömm af unnu kjöti og því má ætla að einstaklingur sem borðar fimm pylsur á dag tvöfaldi líkurnar á því að hann veikist af krabbameini í brisi.
Kjötið sjálft er þó ekki sökudólgurinn heldur þau bæti- og rotvarnarefni sem unnar kjötvörur innihalda, þá einkum nítrít. Nítrít er að finna í flestum unnum kjötvörum en þau lengja neyslutíma kjötsins og koma einnig í veg fyrir að Botulinum-eitrun myndist í því.