Bleika slaufan 2011

Í ár fengum við konur í Suður-Afríku til að perla fyrir okkur slaufuna og tilheyra þær þorpunum Zulufadder.

Flestar konurnar eru ömmur og annast þær margar 12-14 börn hver,  því börnin hafa misst foreldra sína úr alnæmi. Í raun hefur heil kynslóð á þessu svæði horfið sökum sjúkdómsins. Með því að kaupa Bleiku slaufuna í ár er fólk því bæði að styrkja Krabbameinsfélag Íslands sem og Zulufadder þorpin og geta nú þessar konur brauðfætt betur þau börn sem eru í umsjá þeirra.

Bleika slaufan er árvekni- og fjáröflunarátak Krabbameinsfélags Íslands sem snýr að baráttunni gegn krabbameinum hjá konum.

Sex hvunndagshetjur tóku þátt í kynningarátakinu og er hægt að skoða myndskeið frá þeim hér

Bleika slaufan 2011 - Video


Hér má sjá myndskeið frá Bleika kvennakvöldinu 2011
13.02 2012 - Mánudagur

Krabbameinsfélagið styrkt með Gotti

Hönnunarfyrirtækið FærID afhenti Krabbameinsfélaginu nýlega framlag vegna sölu á Gott fyrir Gott, slaufunammi til stuðnings Bleiku slaufunni. Um er að ræða verkefni sem hófst fyrir haustið 2010, en Gott fyrir Gott var selt í 15g og 100g pokum um land allt og var allur ágóði til styrktar Krabbameinsfélaginu. 

Það eru Herborg Harpa Ingvarsdóttir og Þórunn Hannesdóttir sem standa á baki verkefninu og var markmið þeirra að víkka markhóp bleiku slaufunnar og vinna hugmynd þar sem Bleika slaufan væri fyrir alla. Þær afhentu nýverið Krabbameinsfélaginu framlag að upphæð einni milljón króna. 
Meira
09.02 2012 - Fimmtudagur

Bleika töltmótið á konudaginn til styrktar Bleiku slaufunni

Hið árlega kvennamót Bleika töltmótið fer fram í reiðhöllinni í Víðidal á konudaginn 19. febrúar nk. og hefst kl 12.30. Mótið er einungis ætlað konum 17 ára og eldri en keppt verður í byrjendaflokki, flokki minna vanra, meira vanra og opnum flokki.

Skráningagjöld eru frjálst framlag og renna óskert til Krabbameinsfélags Íslands til styrktar rannsóknum á brjóstakrabbameini en þó að lámarki 3.000 kr.
Meira

Skipta um leturstærð

Leit